Belarusiya da Milli Şuraya etiraz etdi

1-10-2013, 12:14
Oxunub: 254
Belarusun Azərbaycandakı səfirliyi Milli Şuranın prezidentliyə namizədi Cəmil Həsənlinin fikirlərinə etiraz edib.
 
Səfirlikdən Trend-ə daxil olan məlumatda bildirilir ki, müxalif Milli Şuranın prezidentliyə namizədi Cəmil Həsənlinin Azərbaycandan Belarusa 1 faiz dərəcəsi ilə kredit verilməsi barədə bəyanatı həqiqətəuyğun deyil:
 
"Hazırda Belarus hökumətinin Azərbaycan hökuməti qarşısında borc öhdəliyi yoxdur. Maliyyə-kredit sahəsində iki ölkənin təsərrüfat subyektləri arasında münasibətlər sırf bazar prinsipləri əsasında qurulur".

Xatırladaq ki, söhbət bir neçə il öncə baş verən hadisədən gedir. O zaman Rusiya hakimiyyəti tərəfindən dalana dirədilən Belarus prezidenti Lukaşenko bu dövlətə olan 300 milyon dollarlıq borcunu bir neçə günə ödəyə bilməyəcəyini görüb gecəylə İlham Əliyevə ağız açmış və müsbət cavab almışdı.

O zaman mətbuatda bu borcun hətta faizsiz, "dost payı" olaraq verildiyi bildirilirdi. Bunu həm Azərbaycan iqtidarı, həm də Belarus dövlətinin rəsmiləri də etiraf etmişdilər. Hətta Rusiyanın bu borc alıb-vermə əməliyyatından narazı qaldığı bildirilirdi.

İndi maraqlıdır: Belarus səfirliyi nəyi təkzib edir və ya etməyə çalışır? 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti