"Yandex" Türkiyədə ofisini bağlayır

29-09-2020, 15:16
Oxunub: 707
Bu barədə Türkiyə mətbuatı yazır


Rusiyanın "Yandex" şirkəti Türkiyənin İstanbul şəhərində yerləşən ofisini bağlamaq qərarını verib.

Bu barədə Türkiyə mətbuatı yazır.

Qeyd olunur ki, şirkət türkiyəli reklamçı və tərəfdaşlarla işləməyə davam edəcək, lakin bundan sonra bütün əməliyyatlar "Yandex"in Rusiyadakı qərargahından həyata keçiriləcək.

Türkiyədəki ofisin bağlamaq qərarı koronavirus pandemiyasının inkişafı fonunda "Yandex" tərəfindən görülən qlobal tədbirlərlə əlaqələndirilir.

"Marketing Türkiye" xəbər verir ki, "Yandex"in Türkiyə ofisinin işçiləri bu ilin oktyabr ayınadək iş yerlərində qalacaq.

"Navigator" və "Axtarış" daxil olmaqla şirkətin Türkiyədəki bütün xidmətləri istifadəçilər üçün açıq qalmağa davam edəcək, dəyişikliklər yalnız Türkiyə ofisinin əməliyyat fəaliyyətlərinə təsir edəcək, bir sıra funksiyalar isə digər ofislərə veriləcək.

Şirkət Türkiyədəki xidmətləri daha da inkişaf etdirməyi, yerli tərəfdaşlarla işləməyi və istifadəçilərə dəstək verməyi planlaşdırır. (APA)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti