Soydaşımız Estoniyada siyasi partiyanın həmsədri seçilib

24-09-2020, 16:39
Oxunub: 50
Atası azərbaycanlı, anası estondur


Estoniyada yaşayan Züleyxa İsmayılova bu ölkədə fəaliyyət göstərən “Yaşıllar” Partiyasının həmsədri seçilib.

Diasporla İş üzrə Dövlət Komitəsindən verilən məlumata görə, bu, sentyabrın 12-də keçirilmiş qurultayda partiyanın nizamnaməsinə edilmiş dəyişikliklər nəticəsində baş verib. Dəyişikliklərə əsasən, partiyaya 2 həmsədr rəhbərlik edəcək. Həmsədr seçilən soydaşımıza ətraf mühitin qorunması məsələləri həvalə edilib.

Xatırladaq ki, Züleyxa İsmayılova siyasətçi olmaqla yanaşı eko-aktivist, fotoqraf və jurnalistdir. Öncə ətraf mühitin müdafiəsi məsələləri ilə məşğul olan “Eston yaşıllar hərəkatı”nda könüllü kimi fəalliyət göstərib, 2005-ci ildən siyasətə qoşularaq Sosial-Demokatlar Partiyasına daxil olub. 2012-ci ildə bu partiyanı tərk edib, iki il sonra “Estoniya Yaşılları” Partiyasına üzv olmağa üstünlük verib.

Qeyd edək ki, Z.İsmayılova 1985-ci ildə Tallində dünyaya göz açıb. Atası azərbaycanlı, anası estondur. Atasının vəfatınadək ailəsi Azərbaycanda yaşayıb. Sonra anası və bacısı ilə birlikdə Estoniyaya qayıdıb, 2017-2019-cu illərdə Tallin şəhərinin vitse-meri vəzifəsində işləyib. (Trend)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti