Dünyada koronavirusa yoluxanların sayı 30 milyonu ötdü

17-09-2020, 11:42
Oxunub: 56
Son 1 ayda dünyada daha 8 milyon nəfərin koronavirusa yoluxduğu müşahidə olunub


Dünyada koronavirusa yoluxan 945 099 nəfər sağalıb, 945 099 nəfər isə virusdan ölüb.

Report xəbər verir ki, indiyədək 30 038 634 nəfərə COVID-19 diaqnozu qoyulub.

Beləliklə, son 1 ayda dünyada daha 8 milyon nəfərin koronavirusa yoluxduğu müşahidə olunub.

Ən çox yoluxma halları ABŞ (6 828 301), Hindistan (5 118 253) və Braziliyada (4 421 686) qeydə alınıb.

Qeyd edək ki, sentyabrın 17-nə olan məlumata görə, Azərbaycanda indiyədək 38 658 nəfərə koronavirus diaqnozu qoyulub. Onlardan 36 149 nəfər sağalıb. Ölkəmizdə COVID-19-dan ölənlərin sayı 569 nəfərdir.

Azərbaycanla sərhəd ölkə olan Türkiyədə 296 391 nəfər yoluxub, 262 602 nəfər sağalıb, 7 249 nəfər ölüb. Rusiyada indiyədək 1 079 519 nəfərdə koronavirus aşkarlanıb, onlardan 890 114-ü sağalıb, 18 917-si ölüb. İranda isə 410 334 nəfərə koronavirus diaqnozu qoyulub. Son məlumata görə, bu ölkədə 23 632 nəfər pandemiyanın qurbanı olub. Qonşu ölkə Gürcüstanda koronavirusa yoluxanların ümumi sayı 2 758-ə çatıb. Onların 1 412-si artıq sağalıb, 19-u isə vəfat edib.

Ermənistanda indiyədək 46 376 nəfərə COVID-19 diaqnozu qoyulub. Onlardan 42 069 nəfər sağalsa da, 923 nəfər ölüb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti