Azərbaycanda kompüter insidentləri artıb

4-05-2020, 13:12
Oxunub: 176
Yanvar-aprel aylarında bloklanmış URL-ünvanların sayı 9,5 min təşkil edib.


2020-ci ilin aprelində Azərbaycanda kompüter insidentləri əvvəlki ayla müqayisədə 70 faizdən çox artıb.

Bu barədə Kompüter İnsidentlərinə Qarşı Mübarizə Mərkəzinə istinadən məlumat verilir.

Məlumata əsasən, aprel ayında Mərkəzə daxil olan müraciətlərin 97 faizinə baxılıb. Bundan başqa, ötən ay dövlət orqanları tərəfindən 4 domen və 19 subdomen qeydiyyata alınıb.

Yanvar-aprel aylarında bloklanmış URL-ünvanların sayı 9,5 min təşkil edib.

Mərkəz tərəfindən informasiya təhlükəsizliyi ilə bağlı 18 audit keçirilib və hesabatlar müvafiq orqanlara təqdim edilib.

Qeyd edək ki, 2020-ci ilin birinci rübündə kompüter təhlükəsizliyi ilə bağlı 1 675 insident qeydə alınıb. Həmin müddət ərzində müraciətlərin 96,7 faizinə baxılıb və cavab verilib. Dövlət strukturlarına 81 hesabat təqdim edilib. Dövlət orqanları tərəfindən 21 domen və 55 subdomen qeydiyyata alınıb. (Trend)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti