Azərbaycan və Rusiya parlamentləri arasında razılaşma imzalanacaq

27-04-2020, 15:09
Oxunub: 75
"Iki ölkə arasında Azərbaycanda keçirilən parlament seçkilərindən sonra razılaşma imzalanmalı idi"


"Azərbaycan və Rusiya parlamentləri arasında dünyada yaranmış pandemiya böhranı başa çatdıqdan sonra razılaşma imzalanacaq". 

Bunu Rusiya Dövlət Dumasının deputatı İrek Zinurov Siyasi Araşdırmalar İnstitutunun "Rusiya-Azərbaycan: Epidemioloji və enerji böhranından birgə çıxış yolu" mövzusunda keçirdiyi onlayn konfransda çıxışı zaman deyib.

Onun sözlərinə görə, iki ölkə arasında Azərbaycanda keçirilən parlament seçkilərindən sonra razılaşma imzalanmalı idi: "Təəssüflər olsun ki, pandemiya buna imkan vermədi. Bir çox tədbirlər təxirə salındı. Ancaq postpandemiya dövründə Azərbaycan və Rusiya parlamentləri arasında razılaşma imzalanacaq".

Rusiya Dövlət Dumasının digər deputatı Anton Morozov isə bildirib ki, dost dar gündə tanınar: "Rusiya ilə Azərbaycan parlamentləri arasında olduğu kimi, xalqlarımız arasında da xoş münasibətlər var və bu çətin dövrdə qarşılıqlı yardım halında fəaliyyət göstərilir".

Qeyd edək ki, Azərbaycan və Rusiya deputatlarının iştirak etdiyi onlayn konfransda iki ölkə arasında ikitərəfli münasibətlər müzakirə olunub. (Report)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti