Nazir:“Biz aldığımızdan daha çox ödəyirik”

9-02-2020, 16:00
Oxunub: 538
Bunu Maliyyə naziri Samir Şərifov jurnalistlərə açıqlamasında deyib.


“Xarici borcun qaytarılması ilə bağlı Azərbaycan Prezidenti İlham Əliyev tərəfindən dövlət borcunun uzunmüddətli idarə edilməsinə dair strategiya təsdiqlənib. Bu strategiyaya əsasən hədəflər və istiqamətlər göstərilir. Bu strategiyaya əsasən biz xarici dövlət borcumuzu və ümumiyyətlə dövlət borcumuzu mərhələli şəkildə azaltmalıyıq. Bununla əlaqədar yeni strategiya qəbul olunandan sonra xeyli nailiyyətlər əldə olunub”

Bunu Maliyyə naziri Samir Şərifov jurnalistlərə açıqlamasında deyib.

“Yeni strategiya qəbul olunandan sonra bizim borcumuzun ÜDM-ə nisbətdə 5 faiz bəndi azalıb ki, bu da yaxşı göstəricidir. Amma bununla kifayətlənmirik, ölkə başçısı tərəfindən bizim qarşımıza daha böyük vəzifələr qoyulub və əsas işimiz ondan ibarətdir ki, xarici dövlət borcumuz üzrə ödənişləri daha artıq ödəyərək daha az borc alaq. Nəticədə büdcədə daha böyük saldo əmələ gəlir ki, bu da borcun azalmasına xidmət edəcək“, – deyə nazir bildirib.

Onun sözlərinə görə, həmin yanaşma ilə bizim işlərimiz daxili dövlət borclarımızın artırılmasını nəzərdə tutur: "Bu da onunla bağlıdır ki, hökumət və ümumiyyətlə iqtisadi orqanlar- Mərkəzi Bank, İqtisadiyyat Nazirliyi bu prosesdə maraqlıdır ki, maliyyə bazarlarında daxili dövlət borcu yəni istiqrazların həcmi artsın".

Nazir vurğulayıb ki, bildiyiniz kimi, 2020-ci ildən başlayaraq Maliyyə Nazirliyi tərəfindən 5 illik manatla istiqrazlar yerləşdirilib, bu da çox yaxşı bir göstəricidir: "Biz görürük ki, bu alətlərə bazar iştirakçılarının marağı artır, bu yaxınlarda biz iki illik borc kağızlarımızı bazarda yerləşdirmişik. Bu da uğurlu olub, bu kağızlara daha çox tələbat olub. Nəticə etibarı ilə biz auksionu kifayyət qədər aşağı 5,6%-lə yekunlaşdırdıq ki, bu da çox yaxşı göstəricidir. Yəni artıq faiz dərəcələri enir, bu da çox müsbət haldır".

S. Şərifov qeyd etdi ki, bazarda tələbin müəyyən hissəsi mərhələlərlə ödəniləcək: "Ümumi dövlət borcunun azalması çərçivəsində, əsasən xarici dövlət borcu azaldılacaq, sonra bir qədər daxili borc azaldılacaq. Yəni Azərbaycan borclanır, amma biz aldığımızdan daha çox ödəyirik və bunun nəticəsində dövlət borcumuz azalıb".
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti