"İsrail Azərbaycan vətəndaşları üçün viza prosedurlarının sadələşdirilməsini planlaşdırır"

24-01-2020, 13:10
Oxunub: 69
Bunu İsrailin Azərbaycana yeni təyin olunmuş səfiri Corc Dik mətbuat konfransında deyib.


"Azərbaycan-İsrail münasibətlərinin əsasını iki sahə - energetika və təhlükəsizlik təşkil edir”.

Bunu İsrailin Azərbaycana yeni təyin olunmuş səfiri Corc Dik mətbuat konfransında deyib.

“İsrail neft idxalının böyük hissəsini Azərbaycandan edir. Bundan əlavə, terrorizmlə mübarizə sahəsində yaxından əməkdaşlıq edirik”, - o bildirib.

Səfirin sözlərinə görə, tərəflər ölkələr arasındakı dostluq və strateji tərəfdaşlığın möhkəmləndirilməsi istiqamətində daha çox səy göstərməlidir.

"Həmçinin ölkələrimiz, xalqlarımız və işgüzar dairələr arasındakı əlaqələr də dərinləşir, inkişaf edir. Turizm ikitərəfli əlaqələrin inkişafında yeni və perspektivli istiqamətdir. 2016-cı ildə Azərbaycana 10 min turist gəlmişdisə, 2019-cu ildə bu rəqəm 60 min olub”, - diplomat vurğulayıb.

Səfir qeyd edib ki, iki ölkə arasında aviasiya sahəsində əldə olunan saziş bu gün hər iki istiqamətdə həftədə beş birbaşa uçuş həyata keçirilməsinə imkan verir.

“Yaxın vaxtlarda bu rəqəmi yeddiyə çatdırmaq niyyətindəyik. İsraillilər Azərbaycana çox sayda səfər edirlər. Onları mədəniyyət, mətbəx və insanların istiliyi cəlb edir”, - C.Dik deyib.

Diplomat həmçinin tərəflərin Azərbaycan vətəndaşları üçün viza alınması prosedurlarının sadələşdirilməsi istiqamətində çalışdıqlarını bildirib: “Bu mövzuda Azərbaycan Xarici İşlər Nazirliyi ilə əməkdaşlıq edirik. Bundan əlavə, bu prosesin rəqəmsallaşdırılması barədə düşünürük”. (Report)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti