Ağ Ev Trampın impiçmentinin qanunsuz olduğunu bildirib

9-10-2019, 09:15
Oxunub: 74
Bu barədə prezidentin mətbuat katibi Stefani Qrişem bildirib


Ağ Ev ABŞ prezidenti Donald Trampın impiçmenti prosesini qanunsuz sayır və bununla bağlı araşdırmada iştirakdan imtina edir.

"Report" RİA "Novosti"yə istinadən xəbər verir ki, bu barədə prezidentin mətbuat katibi Stefani Qrişem bildirib.

"Bu gün prezidentin hüquq üzrə məsləhətçisi Pet Çipollone Donald Trampın adından məktubu spiker Pelosiyə (Nensi, Nümayəndələr Palatası) və Konqresin komitələrinin başçıları Enqelə, Şiffə və Kamminqsuya göndərdi. Məktub göstərir ki, demokratların araşdırması hər hansı konstitusiya əsaslarından məhrum edilib", - Qrişem qeyd edib.

Onun sözlərinə görə, impiçment təşəbbüsü "vətəndaş azadlıqlarını və hakimiyyət orqanlarının bölgüsü prinsipini pozur, icra hakimiyyətinin nümayəndələrini cəza ilə hədələyir, ona görə ki, onlar öz konstitusiya hüquqlarını və müstəsna hüquqları müdafiə edirlər".

Bütün bunlar Qrişemin vurğuladığı kimi, konstitusiyanın müddəalarını pozur.

"Bu səbəblərdən icra hakimiyyətindən həmin siyasi teatrda iştirakı gözləmək olmaz və o, bu prosesdə iştirak etməyəcək", - mətbuat katibi vurğulayıb.

Onun sözlərinə görə, araşdırma "sırf siyasi səbəblər"dən keçirilir. 

Ağ Ev demokratlara ABŞ Konqresində prezident Donald Trampın impiçmenti proseduru çərçivəsində onlarla əməkdaşlıq etməyəcəyi barədə xəbərdarlıq edib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti