Azərbaycan və Çin ölkədə müştərək Aqrar-sənaye parkı yaradır

20-09-2019, 11:25
Oxunub: 67
Hazırda Aqrar-sənaye parkın yaradılması ilə bağlı işlər layihə mərhələsindədir


Azərbaycan və Çin ölkədə müştərək Aqrar-sənaye parkı yaradır.

Bununla bağlı bu gün Bakıda Azərbaycan İnvestisiya şirkəti ilə Çinin CAMCE şirkəti arasında anlaşma memorandumu imzalanacaq.

Qeyd edilib ki,  hazırda Aqrar-sənaye parkın yaradılması ilə bağlı işlər layihə mərhələsindədir.

Qeyd edək ki, Azərbaycanda 120-dək Çin kapitallı şirkət qeydiyyata alınıb. Ötən dövr ərzində Azərbaycan tərəfindən Çinə 1,7 milyard ABŞ dolları, Çindən isə Azərbaycana 800 milyon ABŞ dollarından artıq investisiya yatırılıb. Ölkəmizdə dövlət vəsaiti hesabına icra edilən 600 milyon ABŞ dolları dəyərində layihələrdə Çin şirkətləri iştirak edib.

Azərbaycan Çinin Cənubi Qafqazda əsas ticarət tərəfdaşıdır. 2018-ci ildə iki ölkə arasında ticarət dövriyyəsi 1,3 mlrd ABŞ dollarından çox olub, bu isə Çinin Cənubi Qafqaz ölkələri ilə olan ümumi ticarət dövriyyəsinin 43%-ni təşkil edir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti