Diaspor Komitəsinin sədri İsveçrənin Azərbaycandakı səfiri ilə görüşüb

19-09-2019, 13:47
Oxunub: 51
F.Muradov DİDK-də son illər görülən işlər, aparılan diaspor siyasəti haqqında məlumat verib


Diasporla İş üzrə Dövlət Komitəsinin sədri Fuad Muradov İsveçrə Konfederasiyasının Azərbaycandakı fövqəladə və səlahiyyətli səfiri Müriel Peneveyre ilə görüşüb.

Dövlət Komitəsinin Mətbuat xidmətindən Etatist.com-a verilən məlumata görə, görüşdə Avropada yaşayan azərbaycanlıların, müxtəlif ölkələrdəki diaspor təşkilatlarının və Azərbaycandakı icmaların fəaliyyəti barədə danışılıb.

F.Muradov DİDK-də son illər görülən işlər, aparılan diaspor siyasəti haqqında məlumat verib, xaricdə yaşayan və təhsil alan soydaşlarımızın yaşadığı cəmiyyətlərə inteqrasiya olunmaları və eyni zamanda Azərbaycanla da əlaqələrinin möhkəmliyi üçün həyata keçirilən irimiqyaslı layihələr barədə məlumat verib.

Təmsil etdiyi ölkənin diaspor siyasətindən danışan səfir Müriel Peneveyre qarşılıqlı əməkdaşlığın böyük əhəmiyyət daşıdığını diqqətə çatdırıb.

Qeyd olunub ki, hər iki ölkənin müvafiq strukturları arasında əməkdaşlığın genişlənməsi, bu cür fikir mübadilələrinin ardıcıl və sistemli olması mühüm əhəmiyyət kəsb edir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti