Xaricə çıxarılan pul baratlarının dəyəri 13% artıb

14-09-2019, 14:01
Oxunub: 77
Daxilolmalar 495,3 mln dollar, ödənişlər isə 227,7 mln dollar təşkil edib


Bu ilin I yarısında Azərbaycanın təkrar gəlirlər üzrə xarici ölkələrlə aparılan əməliyyatların ümumi dəyəri 723 mln dollar məbləğində qiymətləndirilir. 

Report xəbər verir ki, bu, Mərkəzi Bankın 2019-ci ilin yanvar-iyun ayları üçün Azərbaycan Respublikasının Tədiyyə balansı hesabatında bildirilir.

Qeyd edilir ki, daxilolmalar 495,3 mln dollar, ödənişlər isə 227,7 mln dollar təşkil edib. Təkrar gəlirlər üzrə ümumi daxilolmaların 89,5%-i xarici ölkələrdən fiziki şəxslərin pul baratları, 7,4%-i ölkəyə gətirilən humanitar və yardım mallarının dəyəri, 3,1%-i isə digər daxilolmalar təşkil edir. 

Ölkəyə göndərilən pul baratlarının həcmi 16% azalaraq 443,2 mln dollar, ölkədən çıxarılan pul baratlarının həcmi isə 13,1% artaraq 192,5 mln dollar olub. Nəticədə pul baratları üzrə 250,7 mln dollar müsbət saldo yaranıb. Bütövlükdə, təkrar gəlirlər üzrə əməliyyatların saldosu müsbət 267,6 mln dollar təşkil edib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti