Milli Məclisin İnsan hüquqları komitəsinin iclası keçirilib

13-09-2019, 14:50
Oxunub: 62
İclasın gündəliyinə 3 məsələ daxil edilib


Azərbaycan Milli Məclisinin İnsan hüquqları komitəsinin iclası keçirilib.

Etatist.com-un xəbərinə görə, iclasın gündəliyinə 3 məsələ daxil edilib.

Əvvəlcə Milli Məclisin yaz və növbədənkənar sessiyaları dövründə komitədə görülən işlərlə bağlı hesabat verilib. İclasda İnsan hüquqları komitəsinin 2019-cu il payız sessiyası dövrünə dair iş planı təsqidlənib.

Deputatlar bir paketdə daxil olan “Məişət zorakılığının qarşısının alınması haqqında”, “Sosial xidmət haqqında”, ”Dağınıq skleroz xəstəliyinə tutulmuş şəxslərə dövlət qayğısı haqqında”, “Həbs yerlərində saxlanılan şəxslərin hüquq və azadlıqlarının təmin edilməsi haqqında”, “Peşə təhsili haqqında” qanunlarına dəyişiklik layihəsini müzakirə ediblər. Bildirilib ki, dəyişiklik texniki xarakterlidir, qanunlarda “psixi” sözü “psixoloji” sözü ilə əvəz olunur.

Müzakirələrdən sonra dəyişiklik layihəsi parlamentin plenar iclasına tövsiyə edilib. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti