Atambayevin saxlanılması ilə bağlı şikayətə baxılması təxirə salınıb

19-08-2019, 13:03
Oxunub: 58
Məhkəmədən bunu müstəntiqin məşğul olması ilə əlaqələndiriblər


Qırğız Respublikasının paytaxtı Bişkek şəhərinin Pervomayski rayon məhkəməsi ölkənin sabiq prezident Almazbek Atambayevin saxlanılmasının qanuniliyi məsələsinə baxılmasını avqustun 20-nə təxirə salmağa qərar verib.

Report TASS-a istinadən xəbər verir ki, məhkəmədən bunu müstəntiqin məşğul olması ilə əlaqələndiriblər.

Keçmiş dövlət başçısının vəkili Sergey Slesarevin sözlərinə görə, Atambayevin saxlanması qanunsuzdur, çünki qanunvericiliyə əsasən, respublikanın keçmiş rəhbərlərinin toxunulmazlıq hüququ var. Vəkil hesab edir ki, Atambayevin toxunulmazlığının və eks-prezident statusundan məhrum edilməsinə dair parlamentin iyunun sonunda qəbul etdiyi qətnamə Konstitusiyaya ziddir.

Xatırladaq ki, A.Atambayev avqustun 8-də Çuy vilayətinin Koy-Taş kəndindəki iqamətgahında saxlanılıb. Qırğız Respublikasının Prezidenti Sooronbay Jeenbekov A.Atambayevin təhlükəsizlik qüvvələrinə silahlı müqavimət göstərərək Konstitusiyanı pozduğunu söyləyib.

Məhkəmə sabiq prezidentin azı avqustun 26-dək həbs olunmasına dair qərar qəbul edib. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti