Kəşmirdə hökumət binaları və məktəblərin bir hissəsi açılıb

19-08-2019, 11:19
Oxunub: 67
Mobil rabitə və internet xidmətləri yalnız təhlükəsizlik durumunun hərtərəfli təhlilindən sonra bərpa ediləcək


Mübahisəli Cammu və Kəşmir bölgəsinin rəhbərliyi regionun paytaxtı Srinaqar şəhərində məktəblərin bir hissəsini və bütün rəsmi dövlət qurumlarını açıb.

Yerli telekanallar bu qərarın Hindistan hökumətinin bu ərazinin ştat statusunu ləğv etməsindən sonra Cammu və Kəşmirdə tətbiq olunan sərt təhlükəsizlik tədbirlərinin yüngülləşdirilməsinə başlanma olduğunu qeyd edirlər.

Hələlik Srinaqarda fəaliyyət göstərən, təxminən, 900 məktəbdən yalnız 196-sı açılacaq. Səlahiyyətlilər təhlükəsizlik məsələsi ilə əlaqədar valideynləri övladlarını yalnız bu məktəblərə göndərməyə çağırıb.

Bu gün bütün dövlət qurumları açılmalıdır. Rəsmilər həmçinin şəhər telefonlarının üçdə ikisini də bərpa ediblər. Mobil rabitə və internet xidmətləri yalnız təhlükəsizlik durumunun hərtərəfli təhlilindən sonra bərpa ediləcək.

Eyni zamanda Cammu və Kəşmirin keçmiş baş nazirləri Ömər Abdulla və Məhbubə Müfti də daxil olmaqla, bir çox yerli siyasətçi və müxtəlif partiyaların fəalları hələ də həbsdə saxlanılırlar. (Report)
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti