Efiopiyada insanların ən qədim dağ məskəni aşkarlanıb

13-08-2019, 09:00
Oxunub: 199
Efiopiya ən qədim insan məskənlərindən biridir


Beynəlxalq tədqiqatçılar qrupu Efiopiyada 4 min metr hündürlüyə malik dağlarda ən qədim insan məskəninin izlərini aşkar edib.

Bu barədə "Science Alert" nəşri məlumat yayıb.

Daha əvvəl hesab edilirdi ki, belə məskənlər çox sonralar yaranıb. Çünki mühit şəraiti, həmçinin seyrək hava həmin vaxtlarda daimi məskunlaşanlar üçün əlverişli deyildi.

Nəşr bildirib ki arxeoloqlar Efiopiyanın cənub hissəsində Finça-Xaberanın qayalıq sığınacağını tədqiq ediblər. Alimlərin məlumatına görə, tapıntının yaşı 45 min ilqiymətləndirilir.

Xüsusi halda, tədqiqatçılar daş artefaktlarını və keramika fraqmentlərini tapıblar. Qazıntılar zamanı habelə qədim gəmiricilərin sümükləri, dəvəquşu yumurtasının qalıqları, həmçinin muncuqlar və qədim insanların tullantıları da aşkarlanıb.

Qeyd edək ki, Efiopiya ən qədim insan məskənlərindən biridir. (Report) 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti