"Azərbaycan ilə Aİ arasında qarşılıqlı faydalı razılıq əldə olunmalıdır"

18-04-2019, 11:39
Oxunub: 53
Nazir "Şərq Tərəfdaşlığı" Proqramının vacibliyini və faydalılığını vurğulayıb


"Rəsmi Bakı və Brüssel qarşılıqlı faydalı razılığa gəlməlidir".

Report xəbər verir ki, bunu Azərbaycanın xarici işlər naziri Elmar Məmmədyarov Varşavada brifinqdə bildirib.

"Hesab edirəm ki, "Şərq Tərəfdaşlığı" Proqramı illər əvvəl Polşa və İsveçin təşəbbüsü ilə başladılan çox maraqlı təşəbbüsdür. Bu, müxtəlif istəkləri olan altı ölkədır. Ötən illərdə bu təşəbbüsün üzvü olaraq çox vacib məsələləri öyrənmişik, Aİ-ni daha yaxşı anlamağın yolunu başa düşmüşük. Ümid edirəm ki, Avropa İttifaqı (Aİ) də Azərbaycan və ya digər tərəfdaş ölkələri daha yaxşı başa düşməyi öyrənib", - E.Məmmədyarov deyib.

Nazir "Şərq Tərəfdaşlığı" Proqramının vacibliyini və faydalılığını vurğulayıb.

Onun sözlərinə görə, Brüssellə danışıqlarda rəsmi Bakı həmişə uğura aparan bir neçə yolunun olması mövqeyindən çıxış edib: "Qarşılıqlı razılaşma olmalıdır, bütün tərəflər üçün "win-win" vəziyyətinin olması mühüm elementdir".

E.Məmmədyarov bu ilin may ayında Brüsseldə növbəti on ildə tərəfdaşlığı möhkəmləndirmək üçün nələr edəcəyimizi, bu institutu hansı istiqamətdə inkişaf etdirəcəyimizi başa düşə biləcəyimiz daha bir anlayış şaxəsinin əsasının qoyulacağı sammitin keçiriləcəyini xatırladıb. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti