2018-ci il ərzində BTC vasitəsilə 34 mln. tondan çox xam neft ixrac olunub

13-02-2019, 16:18
Oxunub: 65
Bu neft Ceyhanda 327 tankerə yüklənib


Bakı-Tbilisi-Ceyhan (BTC) boru kəməri istismara veriləndən (2006-cı ilin iyun ayı) 2018-ci ilin sonunadək kəmər vasitəsilə, ümumilikdə, 417 mln. tondan artıq (3,12 mlrd. bareldən artıq) xam neft nəql edilib.

Report xəbər verir ki, bu barədə “BP-Azerbaijan” şirkətinin tərəfdaşları ilə birgə yaydığı hesabatda qeyd edilib.

Məlumata görə, bu neft Ceyhanda 4 085 tankerə yüklənərək dünya bazarlarına göndərilib.

2018-ci il ərzində isə BTC vasitəsilə 34 mln. tondan çox (təqribən, 255 mln. barel) xam neft ixrac olunub ki, bu da 2017-ci ilin göstəriciləri ilə müqayisədə eynidir. Bu neft Ceyhanda 327 tankerə yüklənib.

Qeyd edək ki, hazırda BTC boru kəməri, əsasən, Azərbaycandan AÇG nefti və Şahdəniz kondensatı daşıyır. Bundan əlavə, BTC vasitəsilə digər xam neft və kondensat həcmləri də, o cümlədən tranzit nefti nəql olunur.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti