Naxçıvan Qarnizonu qoşunlarında təlim-metodiki toplantı keçirilib - VİDEO

12-02-2019, 14:03
Oxunub: 36
Zabitlərin ixtisas hazırlığı və idarəetmə bacarıqları komandanlıq tərəfindən yüksək qiymətləndirilib


Naxçıvan Qarnizonu qoşunlarında şəxsi heyətlə iş üzrə komandir müavinləri ilə təlim-metodiki toplantı keçirilib.

Müdafiə Nazirliyinin mətbuat xidmətindən Etatist.com-a verilən məlumata görə, hərbi qulluqçuların mənəvi-psixoloji hazırlığının yüksəldilməsi işində şəxsi heyətlə iş üzrə zabitlərin bilik və bacarıqlarının təkmilləşdirilməsi, ixtisas hazırlığı səviyyəsinin yoxlanılması məqsədi ilə keçirilən toplantıda əsas diqqət fərdi-psixoloji xüsusiyyətlərinin öyrənilməsinə yönəlib.

Naxçıvan Muxtar Respublikası Hərbi Prokurorluğunun, Dövlət Təhlükəsizliyi Xidmətinin, Dini Qurumlarla İş üzrə Dövlət Agentliyinin, Naxçıvan Müəllimlər İnstitutunun və Naxçıvan Qarnizonu Təhqiqat Xidmətinin toplantıda iştirak edən nümayəndələri müxtəlif mövzularda çıxışlar ediblər.

Əlahiddə Ümumqoşun Ordunun Təlim-Tədris Mərkəzində keçirilən toplantıda ictimai-siyasi hazırlıq üzrə məşğələlər keçirilib, hərbi vətənpərvərlik mövzusunda filmlər nümayiş etdirilib və ixtisas hazırlığından məqbullar götürülüb.

Zabitlərin ixtisas hazırlığı və idarəetmə bacarıqları komandanlıq tərəfindən yüksək qiymətləndirilib.

Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti