İsrail HƏMAS-ın mövqelərinə hava zərbəsi endirib

12-01-2019, 12:24
Oxunub: 53
Havadan edilən ilk hücum, HƏMAS-ın anklavın şimalındakı müşahidə məntəqəsi olub


İsrail ordusu cümə günü sərhəddə iğtişaşlara cavab olaraq Qəzza zolağında HƏMAS-ın obyektlərinə iki zərbə endirib.

Report RİA "Novosti"yə istinadən xəbər verir ki, bu barədə İsrail ordusunun mətbuat xidməti məlumat yayıb.

Məlumata görə, havadan edilən ilk hücum, HƏMAS-ın anklavın şimalındakı müşahidə məntəqəsi olub.

Bundan bir neçə saat əvvəl Qəzza zolağı ilə sərhəddə "Qayıdış marşı"nın 42-ci mərhələsi keçirilib. İlkin məlumatlara görə, qarşıdurmalarda 13 minə yaxın insan iştirak edib.

Aksiya başlayandan bir qədər sonra fələstinlilər tərəfindən təhlükəsizlik hasarı tərəfə bir neçə partlayıcı maddə atılıb. Həmçinin fələstinlilərin sərhədin şimal hissəsində İsrail tərəfə keçmək cəhdi qeydə alınıb.

Hadisələrdən biri zamanı hərbçilər şübhəli şəxslər istiqamətində atəş açıblar və onlar digər hallarda olduğu kimi, Qəzzaya geri qayıdıblar.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti