"Fitch" ABŞ-a xəbərdarlıq edib

9-01-2019, 16:02
Oxunub: 65
Belə vəziyyətdə agentlik ABŞ-ın kredit reytinqini yenidən nəzərdən keçirə bilər


"Fitch" reytinq agentliyi ABŞ-a suveren kredit reytinqinin mümkün azaldılması ilə bağlı xəbərdarlıq edib.

Bu barədə Report "Reuters"ə istinadən xəbər verir.

Bu, hökumətin fəaliyyətinin dayandırılması səbəbindən ölkənin borcunun maksimum dəyərə çatacağı halda baş verəcək.

"Şatdaun"un martın 1-dək davam edəcəyi və borc həcminin bir neçə ay sonra problem yaradacağı halda, ola bilsin, siyasətimizi yenidən nəzərdən keçirmək barədə düşünmək məcburiyyətində qalaq", - "Fitch"dən qeyd ediblər.

Qeyd olunur ki, belə vəziyyətdə agentlik ABŞ-ın kredit reytinqini yenidən nəzərdən keçirə bilər.

Xatırladaq ki, növbəti ilin büdcəsi Konqresdə təsdiq olunmadığından ötən il dekabrın 22-də bəzi federal idarələr fəaliyyətini qismən dayandırıb, yəni "şatdaun" (shutdown) deyilən rejim qüvvəyə minib.

D.Tramp Meksika sərhədində divar inşası üçün 5 milyard dollar vəsaitin nəzərdə tutulmadığı büdcəni təsdiqləməyəcəyini açıqladığı halda, müxalifətdə olan demokratlar bunu israfçılıq kimi qəbul edərək razılıq vermək niyyətində deyillər. Konqresdə büdcə müzakirəsinin yanvarın 3-dən davam etdiriləcəyi gözlənilir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti