Türkiyədə keçirilən antiterror əməliyyatlarında 26 terrorçu zərərsizləşdirilib 

11-12-2018, 10:05
Oxunub: 185
Bu barədə ölkənin Daxili İşlər Nazirliyi məlumat yayıb


Türkiyədə dekabrın 3-dən 10-a kimi keçirilən antiterror əməliyyatlarında 26 terrorçu zərərsizləşdirilib.

Report "Anadolu" agentliyinə istinadən xəbər verir ki, bu barədə ölkənin Daxili İşlər Nazirliyi məlumat yayıb.

Bildirilir ki, ölkənin təhlükəsizlik qüvvələri bu müddətdə terrorçulara və onların əlaltılarına qarşı 2817 əməliyyat keçiriblər. Əməliyyat zamanı 1 terrorçu öldürülüb, 19 nəfər ələ keçirilib, 6 terrorçu isə silahı yerə qoyaraq könüllü təslim olub.

Ölkənin 9 əyalətində terrorçuların 40 sığınacağı məhv edilib. Qanunsuz silahlı birləşmə üzvlərindən xeyli miqdarda partlayıcı maddə, silah və döyüş sursatı müsadirə olunub.

Əməliyyatlar zamanı 4403 nəfər saxlanılıb. Onlardan 926 nəfəri terrorçuluqda, 187 nəfəri qanunsuz miqrasiya ilə bağlı cinayətlərdə şübhəli bilinir. 3290 nəfər narkotik maddələrin satışında və qaçaqmalçılıqda ittiham edilir. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti