"Forbes" bu il üçün dünyanın ən nüfuzlu qadınlarının adlarını açıqlayıb

4-12-2018, 18:36
Oxunub: 192
A.Merkel ardıcıl səkkizinci dəfə reytinqin ilk pilləsində qərarlaşıb


Almaniya Kansleri Angela Merkel "Forbes" jurnalı tərəfindən tərtib edilən dünyanın ən nüfuzlu qadınları reytinqində birinci yeri tutub.

Report TASS-a istinadən xəbər verir ki, bu barədə jurnalın elektron versiyasında məlumat verilib.

Reytinqdə, ümumilikdə, 100 ad var.

A.Merkel ardıcıl səkkizinci dəfə reytinqin ilk pilləsində qərarlaşıb. Ümumilikdə, Almaniya kansleri bu ada 13 dəfə layiq görülüb.

İkinci yerdə Böyük Britaniyanın Baş naziri Tereza Mey, üçüncü sırada isə Beynəlxalq Valyuta Fondunun direktoru Kristin Laqard qərarlaşıb.

İlk beşlikdə həmçinin "General Motors" avtomobil korporasiyasının prezidenti Meri Barra və ABŞ-ın "Fidelity Investments" maliyyə korporasiyasının rəhbəri Abiqeyl Conson yer alıb.

Amerikalı müğənni Beyonse "Forbes"un reytinqində 50-ci sıranı tutub.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti