Parisdə keçirilən etirazlar nəticəsində dəymiş zərər 3 milyon avrodan çox olub

3-12-2018, 16:37
Oxunub: 25
"Bu ana qədər dəymiş zərərin miqdarı 3 milyondan 4 milyon avroya qədərdir"


Fransanın paytaxtı Parisdə dekabrın 1-də keçirilmiş "sarı jiletlilər" hərəkatının etiraz aksiyaları nəticəsində dəymiş zərər ilkin qiymətləndirmələrə görə, 3 milyon avrodan çox olub.

Report TASS-a istinadən xəbər verir ki, bu barədə BFM telekanalı paytaxt meriyasına istinadən bildirib.

"Bu ana qədər dəymiş zərərin miqdarı 3 milyondan 4 milyon avroya qədərdir", - telekanal meriya nümayəndəsindən sitat gətirib.

Daha əvvəl Fransanın iqtisadiyyat və maliyyə naziri Bruno Le Mernümayişlərin Fransa iqtisadiyyatına ciddi təsir göstərdiyini söyləyib.

Qeyd edək ki, Fransada noyabrın 17-dən bəri avtomobil yanacağı qiymətlərinin artımına qarşı kütləvi etirazlar keçirilir, aksiya iştirakçıları sarı jilet geyirlər.

Xatırladaq ki, dekabrın 1-də küçə iğtişaşlarına çevrilmiş etirazlar nəticəsində 133 nəfər yaralanıb, onlardan 23-ü polisdir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti