Tramp: "ABŞ Çin ilə ticarət sazişi imzalamağa hazırdır"

30-11-2018, 09:23
Oxunub: 89
"Düşünürəm ki, biz Çin ilə birlikdə nəsə etməyə çox yaxınıq"


ABŞ prezidenti Donald Tramp bildirib ki, Amerika və Çin ticarət sövdələşməsi imzalamağa yaxındır, lakin o, hazırkı vəziyyətin ABŞ tərəfini qane etmədiyini düşünür.

Report TASS-a istinadən xəbər verir ki, Tramp bunu cümə axşamı Argentinada keçiriləcək G20 sammitində iştirak üçün yola çıxmazdan əvvəl Ağ evin Cənub çəmənliyində jurnalistlərin suallarına cavabında deyib.

"Düşünürəm ki, biz Çin ilə birlikdə nəsə etməyə çox yaxınıq, lakin mən bunu etmək istədiyimə əmin deyiləm. Hazırda tarif və vergilərdən milyardlarla dollar gəlir gəlir, odur ki, mən bilmirəm", - deyə Tramp söyləyib.

"Fikrimcə, Çin saziş bağlamaq istəyir, mən sövdələşmənin əldə olunmasına açığam, lakin düzünü desəm, hazırda əlimizdə olan sazişdən razıyam", - deyə ABŞ prezidenti əlavə edib.

Bundan əvvəl Çinin ABŞ-la ticarət müharibəsində itkilər verdiyi məlum olub.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti