"Başqa ölkələrin müdafiə yükünü daha çəkmək istəmirik"

12-11-2018, 18:30
Oxunub: 36
"Başqa ölkələrin müdafiəsinə böyük vəsaitlər gedir, əvəzində ancaq ticarət kəsiri və itkilər əldə edirik"


Fransanın Paris şəhərində I Dünya müharibəsinin başa çatmasının 100 illiyinə həsr olunmuş Sülh Forumunda dünya liderləri və hökumət başçıları ilə görüşlər xeyli səmərəli keçib.

Report xəbər verir ki, bu barədə ABŞ Prezidenti Donald Tramp "Twitter"də yazıb.

O, görüşlərdə təhlükəsizlik və ticarət əlaqələrini gündəmə gətirdiyini qeyd edib.

“Biz başqa ölkələrin müdafiə xərclərinin böyük hissəsini üzərimizə götürür, buna yüz milyardlarla dollar sərf edirik. Həmin ölkələrlə ticarətdə də yüz milyardlarla zərər görürük. Mən onlara dedim ki, belə vəziyyət davam edə bilməz. Başqa ölkələrin müdafiəsinə böyük vəsaitlər gedir, əvəzində ancaq ticarət kəsiri və itkilər əldə edirik. Xeyli zəngin olan həmin ölkələrin artıq ya hərbi müdafiələri üçün Birləşmiş Ştatlara pul ödəmələrinin, ya da özlərinin müdafiəsi ilə məhz özlərinin məşğul olmalarının vaxtı çatıb”, - D.Tramp yazıb.

Xatırladaq ki, I Dünya müharibəsinin başa çatmasının 100 illiyi Fransada noyabrın 11-də geniş tədbirlərlə qeyd olunub.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti