Yaponiyanın daha bir şəhərində turizm vergisi ödəniləcək

17-10-2018, 10:31
Oxunub: 34
Kiotonun hotel və hostellərində qalanlar bir sutkaya görə 1,8-dən 9 dollaradək ödəniş etməlidirlər


Yaponiyanın daha bir şəhərində turizm vergisi ödəmək lazım gələcək.

Trend-in məlumatına görə, Yaponiyanın Kioto şəhərinə səfər edən turistlər mehmanxana və hostellərdə qalan səyahətçilər üçün nəzərdə tutulan xüsusi vergi ödəməli olacaqlar.

Kiotonun hotel və hostellərində qalanlar bir sutkaya görə 1,8-dən 9 dollaradək ödəniş etməlidirlər. Ödənişin həcmi mehmanxananın neçə ulduzlu olmasından asılı olacaq. Məktəblilər, tələbələr və onları müşayiət edənlər vergidən azaddırlar.

Kioto hakimiyyəti bununla şəhər büdcəsinə ildə 45 milyon dollar əlavə vəsait daxil olacağını bildirirlər. Bu vəsait hesabına isə müxtəlif şəhər layihələri həyata keçiriləcək və infrastruktur yaxşılaşdırılacaq.

Xatırladaq ki, Tokio və Osaka şəhərlərində artıq turizm vergisi tətbiq olunub, bir şərtlə ki, mehmanxanada bir sutkanın qiyməti 90 dolları keçsin.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti