Azərbaycan şirkətləri Çində keçiriləcək sərgilərdə iştirak edəcək

12-10-2018, 17:19
Oxunub: 44
"Azərbaycan istehsalı olan məhsullar xarici bazarlarda, xüsusilə Çin bazarında böyük maraqla qarşılanır"


İxracatçılar Klubunun növbəti iclası keçirilib. 

Bu barədə Etatist.com-a İqtisadiyyat Nazirliyindən bildiriblər.

Məlumata görə, Nazirliyin dəstəyi, Azərbaycanda İxracın İnvestisiyaların Təşviqi Fondunun (AZPROMO) təşkilatçılığı ilə keçirilən tədbirdə bu ilin noyabrında Çinin Şanxay şəhərində keçiriləcək “Çin Beynəlxalq İdxal Sərgisi” və “Prowine China” beynəlxalq şərab sərgisində iştirak edəcək şirkətlərin nümayəndələri ilə müzakirələr aparılıb.

İxracatçılar klubunun icraçı direktoru Zöhrab Qədirov “Made in Azerbaijan” brendinin xarci ölkələrdə təşviqi istiqamətində görülən işlərin əhəmiyyətindən danışıb, yerli məhsulların xarici bazarlarda tanıdılması və ixracının artırılması məqsədilə xarici ölkələrdə təşkil olunan sərgi və digər tədbirlər barədə məlumat verib.

Qeyd olunub ki, Azərbaycan istehsalı olan məhsullar xarici bazarlarda, xüsusilə Çin bazarında böyük maraqla qarşılanır. Məhz bu səbəbdən yerli məhsulların Çində təşkil edilən sərgilərdə təqdim olunması əhəmiyyətlidir.

Tədbirdə Şanxayda keçiriləcək “Çin Beynəlxalq İdxal Sərgisi”ndə və “Prowine China” sərgisində yerli məhsulların nümayiş olunacağı “Made in Azerbaijan” vahid ölkə stendlərinə dair təqdimat keçirilib, sahibkarların təklifləri dinlənilib.

Xatırladaq ki, İxracatçılar Klubunun bundan əvəlki iclası çərçivəsində Azərbaycan Qablaşdırma Assosiasiyasının üzvləri ilə görüş təşkil olunmuşdu. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti