İndoneziyada yenidən zəlzələ baş verib

9-08-2018, 11:21
Oxunub: 68
Hələlik ölən və yaralananlar barədə məlumat daxil olmayıb


İndoneziya Lombok adasında bu dəfə 6,1 maqnitudalı zəlzələ baş verib.

Report TASS-a istinadən xəbər verir ki, bu barədə Avropa-Aralıq dənizi Seysmoloji Mərkəzindən bildirilib.

Mərkəzin məlumatına görə, yeraltı təkanların episentri 319 min əhalisi olan Mataram şəhərinin 18 km şimal-şərqində, zəlzələ ocağı isə 12 km dərinlikdə olub.

Hələlik ölən və yaralananlar barədə məlumat daxil olmayıb.

Xatırladaq ki, bir neçə gün əvvəl Lombok adasında 6,6 maqnitudalı zəlzələ baş verib və nəticədə 380-dən çox insan ölüb, mindən çox insan isə xəsarət alıb. Təqribən, 270 min yerli sakin evlərini tərk etmək məcburiyyətində qalıb.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti