Şimali Avropada bu gün ilin ən isti günüdür

27-07-2018, 12:25
Oxunub: 182
Mütləq istilik rekordunun qırılması ehtimalı var


Bu gün Avropanın şimali hissəsinin sakinlərini ilin ən isti günü gözləyir.

Bu barədə Report Euronews-a istinadən xəbər verir.

Böyük Britaniyanın bəzi bölgələrində tempraturun 37 dərəcəyə çata biləcəyi proqnozlaşdırılır. Hətta ölkədə mütləq istilik rekordunun (38,5 dərəcə) qırılması ehtimalı da var.

Bu gün Almaniyanın bəzi yerlərində havanın temperaturu 39 dərəcəyə qədər yüksələcək, amma 2015-ci ilin istilik rekordu qırılmayacaq. İstilik alman fermerlərin həyatını xeyli çətinləşdirir. Bir çox təsərrüfatların mövcudluğunu itirmək riski var. Almaniya Fermerlər Assosiasiyası anomal istilərin milyardlarla zərərə səbəb olacağını proqnozlaşdırır.

Fransada da anomal istilik hökm sürür. Havanın tempraturunun bəzi yerlərdə 37 dərəcədən də çox olacağı gözlənilir. Ölkənin şimal və mərkəzi hissəsində yerləşən 18 departamentdə narıncı təhlükə səviyyəsi elan edilib. Yerli sakinlərə gündüz vaxtı evdən çıxmamaq və günəş şüalarının evə düşməməsi üçün pəncərə cəftələrini bağlı saxlamaq tövsiyə edilir.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti