ABŞ-la Türkiyə Gülənin ekstradisiyasını müzakirə edəcək

11-07-2018, 17:58
Oxunub: 55
"Texniki səviyyədə biz ABŞ-la ikitərəfli münasibətlərimizin müxtəlif aspektlərini müntəzəm olaraq müzakirə edirik"


ABŞ nümayəndə heyəti iyulun 13-də Fətullah Gülənin verilməsi və FETÖ terror təşkilatı ilə mübarizəni müzakirə etmək üçün Türkiyəyə səfər edəcək.

Report "RİA Novosti"yə istinadən xəbər verir ki, bu barədə Türkiyə XİN-in mətbuat katibi Hami Aksoy bildirib.

"Texniki səviyyədə biz ABŞ-la ikitərəfli münasibətlərimizin müxtəlif aspektlərini müntəzəm olaraq müzakirə edirik. Bununla əlaqədar iyulun 13-də Ankarada iki ölkənin Xarici İşlər, Ədliyyə və Daxili İşlər nazirliklərinin vəzifəli şəxslərinin iştirakı ilə FETÖ terror təşkilatı ilə mübarizə və Fətullah Gülənin Türkiyəyə verilməsi məsələsi müzakirə olunacaq. Həmçinin “Halkbank”ın keçmiş baş direktorunun müavini Hakan Atillanın işi və Türkiyədə saxlanılan ABŞ vətəndaşları ilə bağlı məsələlər də müzakirə ediləcək", - H.Aksoy deyib.

Xatırladaq ki, Türkiyə hakimiyyəti F.Güləni 2016-cı ilin iyul ayında dövlət çevrilişinə cəhddə iştirak etməkdə ittiham edir və ABŞ-dan onun ekstradisiyasını tələb edir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti