Tailandda mağarada köməksiz qalan uşaqlar xilas edilib

10-07-2018, 15:46
Oxunub: 60
Mağaradan çıxarılan uşaqlar xəstəxanaya göndərilib


Tailandda iyunun 23-dən bəri Kxao Luanq mağarasının dərinliyində köməksiz vəziyyətdə qalan 12 məktəbli və onların məşqçisi xilasedicilər tərəfindən çıxarılıb.

APA-nın xəbərinə görə, bu barədə “Spirinq News” məlumat yayıb.

Mağaradan çıxarılan uşaqlar xəstəxanaya göndərilib. İçəridə hələ ki həkim və dalğıcların qaldığı bildirilir.

Qeyd edək ki, iyunun 23-də 11-16 yaşlı məktəblilərdən ibarət futbol komandası və onların 25 yaşlı məşqçisi Kxao Luanq mağarasında itib. Ərazidə yağan leysan yağışları və yaranan sel təxminən 10 km uzunluğu olan mağaranın giriş-çıxışını bağlayıb və içəriyə dolub. Uşaqlar sel suyunun çatmadığı zalların birində qalıblar. Hakimiyyət orqanları xilasetmə əməliyyatına başlayıb. İyulun 8-9-da dalğıclar 4 uşaqdan ibarət 2 qrupu çıxara biliblər.  
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti