Azərbaycanda neft hasilatı artıb

13-06-2018, 11:32
Oxunub: 150
Neft sektorunda isə 0,3% azalıb


Azərbaycandakı sənaye müəssisələri və bu sahədə fəaliyyət göstərən fərdi sahibkarlar 2018-ci ilin yanvar-may aylarında 19,2 mlrd. manatlıq və ya əvvəlki ilin müvafiq dövrü ilə müqayisədə 0,7% çox sənaye məhsulu istehsal ediib.

Report bu barədə Dövlət Statistika Komitəsinə istinadən xəbər verir.

Sənayenin qeyri-neft sektorunda məhsul istehsalı 7,6% artıb, neft sektorunda isə 0,3% azalıb.

Sənaye məhsulunun 73,2%-i mədənçıxarma sektorunda, 22,05-i emal sektorunda, 4,2%-i elektrik enerjisi, qaz və buxar istehsalı, bölüşdürülməsi və təchizatı sektorunda, 0,6%-i isə su təchizatı, tullantıların təmizlənməsi və emalı sektorunda istehsal olunub.

Mədənçıxarma sektorunda neft hasilatı 1,2% artıb, əmtəəlik qaz hasilatı isə 8,2 % azalıb.

Emal sektorunda avtomobil, qoşqu və yarımqoşquların istehsalı 16,1 dəfə, tütün məmulatlarının istehsalı 2,6 dəfə, poliqrafiya məhsullarının istehsalı 2,2 dəfə, hazır metal məmulatlarının istehsalı 2,0 dəfə, mebel istehsalı 96,8%, elektrik avadanlıqlarının istehsalı 96,2%, dəri və dəri məmulatlarının, ayaqqabıların istehsalı 95,6 %, toxuculuq sənayesi məhsullarının istehsalı 61,4 %, tikinti materiallarının istehsalı 40,4 %, metallurgiya sənayesi məhsullarının istehsalı 18,4 %, geyim istehsalı 11,4 %, əczaçılıq məhsullarının istehsalı 3,7 % artıb, kimya sənayesi məhsullarının istehsalı 0,8 %, ağacın emalı və ağacdan məmulatların istehsalı 1,9 %, içkilərin istehsalı 4,5 %, qida məhsullarının istehsalı 5,1 %, kompüter, elektron və optik məhsulların istehsalı 5,7 %, maşın və avadanlıqların istehsalı 9,9 %, maşın və avadanlıqların quraşdırılması və təmiri işləri 21,4 %, rezin və plastik kütlə məmulatlarının istehsalı 28,3 %, sair nəqliyyat vasitələrinin istehsalı isə 62,5% azalıb.

Elektrik enerjisi, qaz və buxar istehsalı, bölüşdürülməsi və təchizatı sektorunda istehsalın həcmi 3,0%, su təchizatı, tullantıların təmizlənməsi və emalı sektorunda isə 0,1% artıb. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti