"Türk lirəsinin ucuzlaşması inflyasiyanın sürətlənməsi ilə bağlıdır"

11-06-2018, 11:33
Oxunub: 96
"Türkiyəni iqtisadi baxımdan çətin dövr gözləyir"


"Türkiyə lirəsinin ABŞ dolları və avro qarşısında dəyərdən düşməsi ölkədə inflyasiyanın sürətlənməsi ilə bağlıdır". 

Bunu Report-a açıqlamasında Türkiyənin "Sözçü" qəzetinin iqtisadiyat və enerji məsələləri üzrə şərhçisi Taylan Böyükşahin deyib.

Onun sözlərinə görə, mayda Türkiyədə qiymət artımının aylıq səviyyəsi 1,62%-dən 12,15%-ə qalxıb və son 5 ayın ən yüksək göstəricini nümayiş etdirib: "Bu göstəricilər həmçinin son 15 ilin ən yüksək may inflyasiyası olub. İyunda qiymət artımının 14% olacağı gözlənilir. Türkiyə üçün problemli məsələ olan yüksək inflyasiya seçkilərdən öncə hökumətin siyasətinə təzyiq göstərir. Eyni zamanda seçkilər səbəbindən atılmalı olan bir çox addımlar seçkilərdən sonraya qədər təxirə salınıb. Seçkilərdən sonra bu addımların atılması qaçılmaz olacaq. Məzənnədəki artımın da davam edəcəyi nəzərə alınarsa, yüksək inflyasiya və tədiyyə balansındakı kəsirlə Türkiyəni iqtisadi baxımdan çətin dövr gözləyir".
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti