"Heç vaxt ərazi bütövlüyümüzdən və suverenliyimizdən imtina etməyəcəyik"

25-05-2018, 10:27
Oxunub: 201
"Əsas problemimiz Azərbaycan torpaqlarının - Dağlıq Qarabağ və ətraf 7 rayonun işğal edilməsidir"


"Azərbaycan heç vaxt öz suverenliyindən və ərazi bütövlüyündən imtina etməyəcək."

Report xəbər verir ki, bunu Azərbaycanın xarici işlər naziri Elmar Məmmədyarov ADA Universitetində ADR-in 100 illiyinə həsr olunmuş beynəlxalq konfransda çıxış edərkən bildirib.

XİN başçısı xatırladıb ki, SSRİ-nin süqutundan sonra Azərbaycan yenidən çətinliklərlə, ilk növbədə, etnik təmizləmə, ermənilər tərəfindən Azərbaycan torpaqlarının 20 faizinin işğal edilməsi ilə üzləşib.

Onun sözlərinə görə bununla belə, Azərbaycan "Əsrin müqaviləsi"nin imzalanmasından və ölkəyə xarici kapitalın axınından sonra ayağa qalxamğı bacarıb, ölkədə iqtisadiyyat, təhsil inkişaf etməyə başlayıb, əhalinin həyat səviyyəsi yüksəlib.

"Əsas problemimiz Azərbaycan torpaqlarının - Dağlıq Qarabağ və ətraf 7 rayonun işğal edilməsidir. Azərbaycan mehriban qonşuluq münasibətlərinin tərəfdarıdır və torpaqlarımızın işğaldan azad olunmasından sonra əlaqələr yaratmağa hazırıq. Amma biz heç vaxt öz suverenliyimizdən və ərazi bütövlüyümüzdən imtina etməyəcəyik", - E.Məmmədyarov deyib.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti