Ermənistanda hərbçilər etirazçıların tərəfinə keçdi - CANLI YAYIM

23-04-2018, 13:16
Oxunub: 1809
Hazırda Yerevanın küçələrində on minlərlə insan etiraz aksiyası keçirir


İrəvanda hərbçilər etiraz aksiyasında iştirak edən tələbələrə qoşulublar.

Virtualaz.org xəbər verir ki, bu barədə “Azadlıq” radiosu məlumat yayıb.

Aşağıda təqdim etdiyimiz videodan da göründüyü kimi, nümayişçilərin cərgəsində hərbçilər tələbələrlə birgə addımlayırlar.
* * *
Hazırda Yerevanın küçələrində on minlərlə insan etiraz aksiyası keçirir. Canlı yayımdan da göründüyü kimi, etirazçıların arasında tələbələr də var. Tibb universitetinin tələbələri aksiyaya ağ xalatlarla qoşulublar.

Virtualaz.org Ermənistan KİV-lərə istinadən xəbər verir ki, tələbələr Yerevan Dövlət Universitetinin qarşısına toplaşaraq, müəllimləri də onlara qoşulmağa səsləyirlər.

* * *

Ermənistanda Serj Sarkisyanın baş nazir təyin edilməsinə etiraz edən kütlə bu gün səhər yenidən ölkə paytaxtının küçələrinə çıxıb.

Virtualaz.org RİA “Novosti”yə istinadən xəbər verir ki, aksiyalar Yerevanda eyni zamanda bir neçə yerdə keçirilir. Bunlardan biri Yerevan Dövlət Universitetinin qarşısında başlayıb.

Xatırladaq ki, etiraz aksiyalarının liderləri həbs edilib. Buna baxmayaraq, yüz minlərlə insan küçələrə çıxaraq Sarkisyanın istefasını tələb edir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti