OPEC iyunda “Vyana sazişi”nin uzadılması məsələsinə baxacaq

16-04-2018, 14:12
Oxunub: 94
"2019-cu il üçün də razılığın uzadılması məsələsinə baxılacaq"


OPEC+ ölkələri dünya bazarında neft hasilatının azaldılmasını 2018-ci ildə də davam etdirəcəklər.

APA-Economics “Bloomberg” agentliyinə istinadən xəbər verir ki, iyunda keçiriləcək görüşdə OPEC+ ölkələri sazişin müddətinin 2019-cu ildə də uzadılması məsələsinə baxacaqlar.

“Bazardakı vəziyyətdən asılı olaraq əldə olunan razılıq çərçivəsində hasilatın azaldılması ən azı bu ilin sonuna qədər davam edəcək. 2019-cu il üçün də razılığın uzadılması məsələsinə baxılacaq,” – deyə Küveytin neft naziri Bəxit əl-Rəşidi deyib.

Martda verdiyi açıqlamada İraqın neft naziri Cabbar əl-Layibi deyib ki, bəzi ölkələr razılaşmanın müddətinin daha yarım il müddətinə uzadılmasını təklif edir. Buna baxmayaraq nazir həmin ölkələrin adlarını açıqlamayıb.  

Qeyd edək ki, ötən il noyabrın 30-da OPEC üzrə gündəlik neft hasilatının 1,2 mln. barel azaldılaraq 32,5 mln. barelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barel azaldılması barədə sazişə imza atıb. 25 may 2017-ci il tarixində OPEC Nazirlər Şurasının 172-ci iclası çərçivəsində OPEC-ə üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub. Ötən ilin 30 noyabrında isə OPEC Nazirlər Şurasının 173-cü iclası çərçivəsində OPEC-ə üzv və kartelə daxil olmayan dövlətlərin nazirlərinin üçüncü görüşündə neft hasilatının azaldılmasına dair sazişin müddətinin 2018-ci ilin sonuna kimi uzadılması ilə bağlı qərar qəbul olunub. OPEC və qeyri-OPEC ölkələrinin bu yeni razılaşmasına  Azərbaycan da qoşulub.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti