Pakistanda keçmiş baş nazirə siyasətlə məşğul olmaq ömürlük qadağan edilib

13-04-2018, 11:47
Oxunub: 162
N.Şərifin cinayət işinə 5 hakimdən ibarət hakimlər kollegiyası baxıb


Pakistan Ali Məhkəməsi ölkənin keçmiş baş naziri Nəvaz Şərifə ömürünün sonunadək siyasətlə məşğul olmağı qadağan edib.

Report RİA "Novosti”yə istinadən xəbər verir ki, məhkəmə qərarını aprelin 13-də açıqlayıb.

N.Şərifin cinayət işinə 5 hakimdən ibarət hakimlər kollegiyası baxıb. Onlar yekdilliklə sabiq baş nazirin siyasətdən uzaqlaşdırılmasına qərar verib. 

Bir müddət əvvəl Pakistanın Ali məhkəməsi N.Şərifin Pakistan Müsəlman Liqası Partiyasının liderliyindən uzaqlaşdırılmasına dair hökm çıxarmışdı.

Qeyd edək ki, 2017-ci oktyabrın 19-da Pakistan məhkəməsi keçmiş baş nazir N.Şərifə, onun qızı Məryəm Nəvaza və kürəkəni Məhəmməd Safdara qarşı korrupsiya ittihamı irəli sürmüşdü. Bu ittihamlar üzrə məhkəmə prosesi davam edir.

Nəvaz Şərif 3 dəfə (1990-1993, 1997-1999, 2013--2017-ci illərdə) Pakistanın baş naziri olub. 2017-ci il iyulun 28-də Pakistanın Ali Məhkəməsi onun barəsində vəzifəsinə uyğun gəlməməsi ilə bağlı qərar qəbul edib. Bundan sonra N.Şərif istefa vermişdi.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti