"Bayıl sürüşmə zonasının sakinlərinə ayrılan vəsaitin məbləği artırılacaq"

13-03-2018, 11:29
Oxunub: 138
"Məbləğin az olması ilə bağlı Nazirlər Kabinetində məsələ qaldırdım"


"Bayılda evləri sürüşmə zonasında olan sakinlərə yardımın həcmini artırmaq məqsədi ilə görüş keçirilib. Çalışılır ki, tezliklə məsələ öz həllini tapsın".

Report-un məlumatına görə, bunu Səbail Rayon İcra Hakimiyyətinin başçısı Eldar Əzizov Bayıl sürüşmə zonasının sakinləri ilə görüşündə deyib.

"Məbləğin az olması ilə bağlı Nazirlər Kabinetində məsələ qaldırdım. Məbləğin çoxaldılması ilə bağlı iş bu həftənin sonuna kimi həll olunacaq", - E.Əzizov əlavə edib.

Görüşdə iştirak edən Səbail Enerji Təchizatı və Satışı İdarəsinin rəsmisi Araz Manafov bildirib ki, sürüşmə baş verən Teleqüllə ərazisinə tam baxış keçirilib: "Təmizləmə işləri aparılıb, 6 fərdi yaşayış evinə elektrik enerjisinin verilməsi qeyri-mümkündür. Ümumi rəydən sonra həmin evlərə yaxın günlərdə elektrik enerjisi verilə bilər. Lakin sürüşmə davam edəcəksə, təbii ki, bu, mümkünsüzdür".

Xatırladaq ki, Nazirlər Kabineti Bayıl sürüşmə zonasında evi olan sakinlərin kirayə mənzillərə köçürülməsi ilə bağlı sərəncam verib. Sərəncamla, 98 ailənin (ailə tərkibinə uyğun olaraq) müvəqqəti kirayə evlərdə yerləşdirilməsi üçün vəsait ayrılıb. Sakinlərin yaxın günlərdə kirayə mənzillərə köçürüləcəyi gözlənilir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti