Şərqi Çin dənizində qəzaya uğrayan tanker batıb

14-01-2018, 14:58
Oxunub: 64
Tankerin 32 heyət üzvü, o cümlədən 30 İran və 2 Banqladeş vətəndaşı itkin düşüb


Şərqi Çin dənizində Honqkonq quru yük gəmisi ilə toqquşan Panama qeydiyyatlı tanker bir neçə gün yandıqdan sonra bu gün suya batıb.

APA-nın AzərTAC agentliyinə istinadən verdiyi məlumata görə, İranın Milli Tanker Şirkəti (NITC) tərəfindən idarə olunan “The Sanchi” adlı neft tankeri 136 min ton son dərəcə yüngül və uçucu neft növü olan kondensat daşıyıb.

Yanvarın 7-də baş verən toqquşma nəticəsində tankerin 32 heyət üzvü, o cümlədən 30 İran və 2 Banqladeş vətəndaşı itkin düşüb. Qəzadan bir gün sonra bir nəfərin, yanvarın 13-də isə əlavə 2 nəfərin cəsədi tapılıb.

Bir həftəyə yaxın davam edən güclü yanğını tam söndürmək mümkün olmayıb.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti