Meyiti tapılan zabitimizlə bağlı cinayət işi açılıb

4-05-2013, 13:36
Oxunub: 959


Respublika Hərbi Prokurorluğu Bakıda meyiti tapılan zabitin ölüm faktı ilə bağlı məlumat yayıb.

Qurumun mətbuat xidmətindən APA-ya verilən məlumatda bildirilir ki, Müdafiə Nazirliyinin "N” saylı hərbi hissəsinin zabiti Mehman Musayevin ölüm faktı ilə bağlı Bakı Hərbi Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanmaqla meyitin daxili və xarici müayinəsi həyata keçirilib və müvafiq ekspertizalar təyin edilib.
 
Hazırda cinayət işi üzrə istintaq tədbirləri davam etdirilir.
 
Qeyd edək ki, məlum hadisə dünən səhər saatlarında qeydə alınıb. Müdafiə Nazirliyinin zabiti, polkovnik-leytenant Mehman Musayevin itkin düşməsi barədə onun ailə üzvləri tərəfindən dünən səhər polisə məlumat verilib. Daxil olan məlumat əsasında Nizami Rayon Polis İdarəsi tərəfindən əməliyyat qrupu yaradılıb və axtarışlara başlanıb.
 
Ötən gün səhər saatlarında itkin düşmüş kimi qeydiyyata alınan M. Musayevin meyiti tapılıb. Mərhumun meyiti "Şəfa” stadionunun yaxınlığında qollarının damarları kəsilmiş vəziyyətdə aşkar edilib.

Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti