"Saudi Aramco"nun IPO-sunun anderrayterləri məlum olub

8-01-2018, 16:40
Oxunub: 176
2018-ci ildə həyata keçirilməsi gözlənilir


"Saudi Aramco" dövlət neft şirkətinin səhmlərinin ilkin emissiyasında (IPO) anderrayter qismində iştirak edəcək bankların adı məlum olub. Report "Bloomberg" agentliyinə istinadən xəbər verir ki, bu, ABŞ-ın "Goldman Sachs" və "Citigroup" banklarıdır.

Həmçinin, şirkətin IPO-sunda "JPMorgan", HSBC və "Morgan Stanley"ə yer verilməsi gözlənilir. Səlahiyyətlərin verilməsi prosesinin bu həftə ərzində tamamlanacağı və iştirakçı bankların daha da artacağı gözlənilir.

Qeyd edək ki, S.Ərəbistanı "Saudi Aramco"nun IPO-suna 2016-cı ildə qərar verib. Analitiklər 2 trln. dollar dəyərində qiymətləndirilən neft şirkətinin səhmlərinin 5%-nin emissiyasından 100 mlrd. dollar gəlir əldə ediləcəyini proqnozlaşdırırlar. IPO-nun 2018-ci ildə həyata keçirilməsi gözlənilir.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti