31 kiloqramdan çox narkotik vasitə dövriyyədən çıxarılıb

5-01-2018, 18:21
Oxunub: 49
3 kiloqram 118 qram heroin aşkar edilib


Respublikanın daxili işlər orqanları ümumən cinayətkarlığa, o cümlədən narkotik vasitələrin qanunsuz dövriyyəsinə qarşı mübarizə tədbirlərini də yeni ilin ilk günlərindən uğurla davam etdirirlər.

Daxili İşlər Nazirliyinin Mətbuat Xidmətindən Report-a verilən məlumata görə, bu istiqamətdə həyata keçirilən əməliyyat-axtarış tədbirləri nəticəsində yalnız son 4 gün ərzində güclü təsiredici xüsusiyyətə malik olan, ümumi çəkisi 31 kiloqramdan artıq müxtəlif növ narkotik vasitə, o cümlədən 7,5 kiloqrama yaxın heroin, 23,5 kiloqramdan çox tiryək aşkarlanaraq dövriyyədən çıxarılıb.

Belə ki, Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları əldə etdikləri əməliyyat məlumatları əsasında Cəlilabad rayon sakini, əvvəllər məhkum olunmuş Aydın İbrahimovdan 4 kiloqram 510 qram heroin və 5 kiloqram 525 qram tiryək götürüblər.

Daxil olan digər məlumat əsasında Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının Cəlilabad rayonu ərazisində keçirdikləri tədbirlərlə rayon sakini Tural Ataşovdan 18 kiloqrama yaxın tiryək götürülüb.

Növbəti uğurlu əməliyyat tədbiri Cəlilabad Rayon Polis Şöbəsinin əməkdaşları tərəfindən gerçəkləşdirilib. Əldə edilmiş əməliyyat məlumatı əsasında keçirilən tədbirlər nəticəsində rayonun Pərdi kəndində yaşayan Oqtay Rufullayevin evinə baxış zamanı oradan 3 kiloqram 118 qram heroin aşkar edilib.

Saxlanılan şəxslər götürülmüş maddi sübutlarla birgə istintaqa təhvil veriliblər.

Qeyd olunan faktlarla bağlı Cinayət Məcəlləsinin müvafiq maddələri ilə cinayət işləri başlanılıb, zəruri istintaq və əməliyyat-axtarış tədbirləri davam etdirilir. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti