Qeyri-bank kredit təşkilatlarının kredit portfeli kiçilib

11-12-2017, 20:30
Oxunub: 292
Cəmi kreditlərdə xüsusi çəkisi 3,6%-dən 3,5%-ə enib


Qeyri-bank kredit təşkilatları tərəfindən Azərbaycan iqtisadiyyatına kredit qoyuluşunun həcmi 2017-ci ilin oktyabr ayında 32,1 mln. manat və ya 7,1% azalaraq noyabrın 1-nə 420,2 mln. manata çatıb.

Report bu barədə Azərbaycan Mərkəzi Bankının (AMB) aylıq hesabatına istinadən xəbər verir.

Eyni zamanda qeyri-bank kredit təşkilatları tərəfindən kredit qoyuluşlarının cəmi kreditlərdə xüsusi çəkisi 3,6%-dən 3,5%-ə enib.

Hesabata əsasən, qeyri-bank kredit təşkilatları tərəfindən kredit qoyuluşunun həcmi yanvar - mart ayları ərzində dəyişməz qalaraq 454,4 mln. manat təşkil edib. Sonra, aprel ayında 399,2 mln. manata düşüb və I yarımilin sonunadək sabit qalıb. Daha sonra 452,3 mln. manata yüksələrək 3 ay (iyul, avqust, sentyabr) ərzində sabit qalıb.

Qeyd edək ki, kredit təşkilatları tərəfindən iqtisadiyyata kredit qoyuluşu oktyabrda 285,0 mln. manat və ya 2,3% azalaraq 2017-ci il noyabrın 1-nə 12 152,2 mln. manat təşkil edib. Bunun 2 144,8 mln. manatı və ya 17,6%-i dövlət bankları, 9 587,1 mln. manatı və ya 78,9%-i özəl banklar, qalanı isə qeyri-bank kredit təşkilatlarının payına düşüb.
Şərhlər : 0 Şərh yaz
İnformasiya
Ola bilər ki, ancaq gün ərzində saytda xəbərlərə şərh əlavə etmək 600 nəşr günündən sonra olsun.
Xəbər lenti