Qüds və İordan çayının qərb sahilində iğtişaşlar başlayıb, 40-dək adam yaralanıb

8-12-2017, 16:43
Oxunub: 145
Minlərlə fələstinli küçələrdə İsrail və ABŞ-a etiraz edir


Qüds və İordan çayının qərb sahilində iğtişaşlar başlayıb.

APA-nın xəbərinə görə, buna səbəb ABŞ prezidenti Donald Trampın Yerusəlimi (Qüds) İsrailin paytaxtı elan etməsi olub.

Əl-Aksa məscidində cümə namazından sonra etirazçılar meydanlara axışıblar. İsrail əsgərləri onlara qarşı gözyaşardıcı qazlardan istifadə edirlər.

Etirazçılar “ABŞ-a ölüm”, “Satqın ABŞ” şüarları səsləndirərək ABŞ-ın dövlət bayrağını yandırıblar. 

İsrail əsgərləri və fələstinlilər arasında toqquşmalar nəticəsində ən azı 40 nəfərin yaralandığı deyilir. 

Qeyd edək ki, Trampın Qüdsü paytaxt kimi tanımasından sonra “Həmas” cümə gününü İsrailə qarşı Qəzəb Cüməsi elan edib. Minlərlə fələstinli küçələrdə İsrail və ABŞ-a etiraz edir. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti