Tbilisidə Saakaşviliyə dəstək aksiyası keçirilib

6-12-2017, 16:43
Oxunub: 48
Aksiyanın əsas şüarı "Gürcüstan və Ukraynada oliqarxlara son!" şüarıdır


Gürcüstanın müxalif Vahid Milli Hərəkat Partiyası Tbilisidə sabiq prezident Mixeil Saakaşviliyə dəstək aksiyası keçirir.

APA-nın Gürcüstan bürosunun məlumatına görə, aksiya iştirakçıları “Rustaveli” metro stansiyası yaxınlığında toplaşıb. Onlar M. Saakaşvilinin Ukraynada təqib olunmasına etiraz edərək irəli sürülmüş ittihamları əsassız adlandırıblar.

VHM Siyasi Şurasının üzvü Koba Xabazi deyib ki, aksiyanın əsas şüarı "Gürcüstan və Ukraynada oliqarxlara son!" şüarıdır. O bildirib ki, Saakaşviliyə qarşı irəli sürülmüş və onun Rusiya ilə əməkdaşlıq etməsi barədə ittihamlar, sadəcə, gülüş doğurur.

Aksiya Rustaveli prospekti ilə yürüşlə davam etdirilib.

Xatırladaq ki, dekabrın 5-də Ukraynanın Odessa vilayətinin keçmiş qubernatoru M. Saakaşvili Kiyevdə saxlanılıb. Daha sonra o, tərəfdarlarının köməyi ilə azad edilib. Ukraynanın Baş Prokurorluğu M. Saakaşvilini dövlət çevrilişinə cəhddə ittiham edir.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti