Dağlıq Qarabağ münaqişəsinə dair konfrans keçiriləcək

11-11-2017, 12:41
Oxunub: 26
Konfrans və sərgi Dağlıq Qarabağ, Kəşmir və Rohingya münaqişələrinə həsr ediləcək


Avropa Parlamentində “Münaqişə zonalarında qadınların monoloqu“ mövzusunda konfrans və virtual fotosərgi keçiriləcək.

“Report”un Fransa bürosu məlumat verir ki, tədbir Avropa Parlamenti üzvləri Kərim Sajjad və Heidi Hautalanın himayəsi ilə 7 dekabr tarixində Brüsseldə, Avropa Parlamentinin binasında baş tutacaq.

Konfrans və sərgi Dağlıq Qarabağ, Kəşmir və Rohingya münaqişələrinə həsr ediləcək.

Tədbirin məqsədi davamlı sülhün yaradılmasında qadınların yaxından iştiraklarının əhəmiyyətini nümayiş etdirməkdir. Şəkillər vasitəsi münaqişə qurbanları olmuş qadın və uşaqların acı taleləri, üzləşdikləri faciələr zəminində yaşadıqları kədər dolu anlar dünya ictimaiyyətinə çatdırılacaq. Tədbirdə qadın və uşaqların münaqişələr zamanı yaşadıqları fəlakətlərlə yanaşı, onların insan təhlükəsizliyinin yaradılması və qorunması üçün malik olduqları potensiallardan danışılacaq. Qadınların və uşaqların yalnız münaqişə zəminində deyil, həmçinin münaqişədən sonra üzləşdikləri ağrılı və çətin anlar əks olunacaq.

Sərgidə Qəmbərov Rafiq, İsmayılov Məhəmməd, Litvin Oleq, Rəhman Anisur, Babayev Elnur, Əsgərov Xalid, Siddiqui Daniş, Həsənoğlu Mirnaibin fotoşəkilləri nümayiş etdiriləcək.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti