Məleykə Abbaszadə Şəmkirdə vətəndaşları qəbul edəcək

14-10-2017, 13:55
Oxunub: 317
Qəbula gələn vətəndaşlar şəxsiyyət vəsiqəsini təqdim etməlidirlər


Dövlət İmtahan Mərkəzinin (DİM) Direktorlar Şurasının sədri Məleykə Abbaszadə oktyabrın 20-də Şəmkir rayonunda vətəndaşları qəbul edəcək.

DİM-dən APA-ya verilən xəbərə görə, Şəmkir  rayonunda keçiriləcək qəbulda Şəmkir, Tovuz, Qazax və Ağstafa  rayon sakinləri və bu rayonlarda məskunlaşmış qaçqın və məcburi köçkünlər iştirak edə bilərlər. 

Qəbul oktyabrın 20-də, saat 13:00-da Şəmkir şəhəri H.Əliyev Mərkəzində keçiriləcək. Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.dim.gov.az/sedrinqebulu/) və ya DİM-in Gəncə  regional bölməsinə (Ünvan: Gəncə şəhər H.Əliyev meydanı.İnzibati bina ) müraciət etmələri (əlaqə tel.: (0222) 56-50-67) xahiş olunur. Bundan əlavə, Şəmkir, Tovuz,  Qazax və Ağstafa  rayon  Təhsil şöbələrində 13 oktyabr –19 oktyabr   2017-ci  il tarixlərində (şənbə, bazar günləri istisna olmaqla) saat 10:00-dan- 17:00-dək qeydiyyat aparılacaq.

Qəbula gələn vətəndaşlar şəxsiyyət vəsiqəsini təqdim etməlidirlər. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti