ADB Azərbaycana ayıracağı 400 mln. dollarlıq krediti müzakirə edəcək

25-09-2017, 17:29
Oxunub: 45
Əməkdaşlıq müddəti ərzində ADB Azərbaycana 4 mlrd. dollar ayırıb


Asiya İnkişaf Bankının (Asian Development Bank, ADB) rəhbərliyi oktyabrın 2-də keçirəcəyi görüşdə Azərbaycanın dəmir yollarının inkişafı üçün ayrılacaq 400 mln. məbləğində kreditin təsdiqlənmə müddətini müzakirə edəcəklər.

"APA-Economics" bankın saytında yer alan məlumata istinadən xəbər verir ki, avqustun 28-dən sentyabrın 7-dək ADB-nin missiyası Azərbaycana səfər edib və layihənin qiymətləndirməsini aparıb.

Bundan öncə xəbər verildiyi kimi, kredit "Azərbaycan Dəmir Yolları" QSC-nin idarəetmə sisteminin gücləndirilməsinə, maliyyə effektivliyinin yüksəldilməsinə, yeni korporativ strukturun yaradılmasına yönəldiləcək. Bundan başqa, maliyyə vəsaiti hesabına Bakıdan Rusiya sərhədinədək dəmir yolu infrastrukturunun modernləşdirilməsi nəzərdə tutulub.

Azərbaycan 1999-cu ildən ADB-nin üzvüdür. Əməkdaşlıq müddəti ərzində ADB Azərbaycana 4 mlrd. dollar ayırıb.
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti