AŞPA həmməruzəçiləri: "Mehman Əliyevin həbsdən buraxılması müsbət haldır"

13-09-2017, 18:00
Oxunub: 46
Onlar həbsdə olan şəxslərlə fərdi söhbət aparmaq barədə də müraciət ediblər


AŞPA-nın Monitorinq Komitəsinin Azərbaycan üzrə həmməruzəçiləri Stefan Şennak və Sezar Florin Preda Bakıya səfər öncəsi “Turan” İnformasiya Agentliyinin direktoru Mehman Əliyevin həbsdən buraxılmasına münasibət bildirib.

APA-nın AŞPA-nın saytına istinadən verdiyi xəbərə görə, həmməruzəçilər M. Əliyevin həbsdən azad olunmasını müsbət hal kimi qiymətləndiriblər. 

Qeyd edək ki, həmməruzəçilərin sabah Azərbaycana səfəri gözlənilir. Sentyabrın 16-dək davam edəcək səfər zamanı onlar Azərbaycan prezidenti, Prezident Administrasiyasının rəhbəri və ədliyyə naziri ilə görüşəcəklər. Parlamentin sədri və AzərbaycanınAŞPA-dakı nümayəndə heyəti ilə də görüş olacaq.

Həmməruzəçilər həmçinin vətəndaş cəmiyyəti üzvləri, jurnalistlər və həbsdə olan şəxslərin vəkilləri ilə görüşmək niyyətindədirlər.

Onlar həbsdə olan şəxslərlə fərdi söhbət aparmaq barədə də müraciət ediblər. 
Şərhlər : 0 Şərh yaz
Şərhlər administrasiya tərəfindən yoxlanıldıqdan sonra əlavə ediləcəkdir. (Oxucuların diqqətinə çatdırırıq ki, dini, milli və irqi ayrıseçkilik məzmununda, həmçinin insan şərəf və ləyaqətini alçalda biləcək şərhlər əlavə edilməyəcəkdir.)
yenilə, əgər kod görünmürsə



Siz xəbər yaza bilərsiniz XƏBƏR YAZ
Xəbər lenti